पूर्ण विरामको गलत प्रयोग हुँदा यस्तो हालत

• प्रेरक प्रसंग
• 5 Years, 4 Months ago
• 1368

पूर्ण विरामको गलत प्रयोग हुँदा यस्तो हालत

                                                        मिति २०७०-०२-३१

प्यारा पतिदेव

साष्टाङ्ग दण्डवत

यो के चक्कर हो । एउटा पनि पत्र लेखेनौ कुकुरको छाउरो । रोग लागेर मर्यो तिम्रो काका । विदेशमा धन कमाउन गए कुखुराका चल्ला | चीलले खायो दूध दिने भैंसी । नयाँ ल्याएकी छु लोग्ने । विदेश हुँदा एक्लो लाग्छ तिम्रा दाजुसंग | अस्ति झगडा पर्यो बहुला कुकुरसँग । खेल्नुहुँदैन रे एक रोपनी खेतमा । एक पाथी गहुँ छरे तिम्रा बाबुका टाउकोमा | घाउ भएको छ मलाई | तिम्रो चिठी पाउन हतार छ।

                                                 उही तिम्री

                                                  पूर्ण विराम कुमारी

..........................................................................................................खासमा यस्तो थियो .........................................

                                                  मिति २०७०-०२-३१

प्यारा पतिदेव

 साष्टाङ्ग दण्डवत ।

यो के चक्कर हो । एउटा पनि पत्र लेखेनौ । कुकुरको छाउरो रोग लागेर मर्यो । तिम्रो काका  विदेशमा धन कमाउन गए । कुखुराका चल्ला  चीलले खायो । दूध दिने भैंसी  नयाँ ल्याएकी छु । लोग्ने  विदेश हुँदा एक्लो लाग्छ । तिम्रा दाजुसंग  अस्ति झगडा पर्यो । बहुला कुकुरसँग  खेल्नुहुँदैन रे । एक रोपनी खेतमा  एक पाथी गहुँ छरे । तिम्रा बाबुका टाउकोमा  घाउ भएको छ । मलाई तिम्रो चिठी पाउन हतार छ।

                                           उही तिम्री

                                     पूर्ण विराम कुमारी