नमुना प्रश्न - २

• सामाजिक
• 4 Years, 9 Months ago
• 3243

नमुना प्रश्न - २

नेपाल सरकार शिक्षा विज्ञान तथा प्रविधि मन्त्रालय ,   पाठ्यक्रम विकास केन्द्रले भर्खरै  कक्षा ११ को सामाजिक तथा जीवनोपयोगी शिक्षाको विशिष्टीकरण तालिका  सार्वजनिक गरेको थियो । तालिकासंगै नमुना प्रश्न पनि सार्वजनिक गरेको थियो ।

नमुना प्रश्न - २

   विषय : सामाजिक अध्ययन तथा जीवनोपयोगी शिक्षा (Soc.005)

   कक्षाः ११                    पूर्णाङ्कः ७५            समयः ३ घण्टा

   सबै प्रश्नहरुको उत्तर दिनुहोस् ।

........................................

 समूह क  

तलका प्रश्नहरुको अति छोटो उत्तर दिनुहोस्।                      ११x१ = ११

१.सामाजिक अध्ययनको सुरुआत कुन देशबाट भएको हो ?

२.डिजिटल साक्षरता भनेको के हो ?

३. सामाजिक अध्ययनलाई किन औपचारिक विषय मानिन्छ ? एक वाक्यमा लेख्नुहोस् ।

४.जीवनोपयोगी शिक्षाको सीपलाई व्यावहारिक मान्नुपर्ने कुनै एक कारण लेख्नुहोस् ।

५.एक वाक्यमा अन्तर्वैयक्तिक सीपलाई परिभाषित गर्नुहोस् ।

६.कस्तो युगलाई ढुंगे युग भनिन्छ ?

७.नेपालको संविधानका कुनै दुई विशेषता लेख्नुहोस् ।

८.जनघनत्वलाई परिभाषित गर्नुहोस् ?

९.नेपालमा पर्यटन विकासको कुनै एक प्रमुख संभावना लेख्नुहोस् ।

१०.IOT को पूरा रुप लेख्नुहोस् ।

११.नेपालबाट बिफर उन्मूलन कहिले भएको थियो ?

समूह ख

तलका प्रश्नहरुको छोटो उत्तर दिनुहोस् । ८ x ५ = ४०

१२.सामाजिक अध्ययन र जीवनोपयोगी शिक्षाका साझा मान्यताहरू उल्लेख गर्नुहोस् ।

अथवा

तपाई कसरी अनलाइन पेमेन्ट गर्नुहुन्छ ? प्रस्तुत गर्नुहोस् ।

१३. ढुंगे युगको जीवन पद्धतिको संक्षिप्त वर्णन गर्नुहोस् ।

१४.समयको गणना कसरी गरिन्छ ?उदाहरणद्वारा प्रस्तुत गर्नुहोस् ।

१५.मध्यकालीन एसियामा आर्थिक उदय हुनुका प्रमुख चार कारणहरू लेख्नुहोस् ।

१६.सांस्कृतिक बहुलवाद भनेको के हो ?संक्षिप्त चिनारी दिनुहोस् ।

१७.ग्रामीण बस्तीको प्रमुख विशेषताहरूको सूची तयार गर्नुहोस् ।

१८.नेपालको अर्थतन्त्रमा पर्यटनको योगदानबारे चर्चा गर्नुहोस् ।

१९.परम्परागत स्वास्थ्य सेवा र आधुनिक स्वास्थ्य सेवाविच कुनै ५ वटा भिन्नता देखाउनुहोस् ।

              अथवा

राष्ट्रियता बलियो बनाउन अपनाउनुपर्ने कुनै पाँचओटा उपायहरू सुझाउनुहोस् ।

समुह ग

तलका प्रश्नहरुको लामो उत्तर दिनुहोस् ।३ x ८ = २४

२०.सामाजिक संजालको प्रयोगबाट शैक्षिक क्षेत्रमा के-कस्ता लाभहरू लिन सकिन्छ ? उदाहरणसहित प्रष्ट पार्नुहोस् ।

२१.तपाईं तनाव व्यवस्थापनमा के-कस्ता रणनितीहरू उपयोग गर्नुहुन्छ ?चर्चा गर्नुहोस् ।

              अथवा

व्यक्तिले सामाजिक व्यवहारका रूपमा समाजमा प्रदर्शन गर्ने प्रमुख पक्षहरूको विष्लेषणात्मक प्रस्तुती गर्नुहोस् ।

२२.स्वस्थ रहने सबभन्दा राम्रो तरिका भनेको स्वउपचार पद्धति नै हो । कस्तो उपचार पद्धतिलाई स्वउपचार पद्धति भनिन्छ ? यसको महत्त्व पनि उल्लेख गर्नुहोस् ।

नोट:कुनै सल्लाह ,सुझाव तथा गुनासा भए तपाईहरूले हाम्रो Facebook Page  Sikne Thalo मा message गर्न सक्नुहुन्छ ।