कार्यमूलक अनुसन्धान प्रतिवेदनको नमूना ढाँचा

• Action Research
• 4 Years, 7 Months ago
• 4695

कार्यमूलक अनुसन्धान प्रतिवेदनको नमूना ढाँचा

कार्यमूलक अनुसन्धान प्रतिवेदनको नमूना ढाँचा

 (प्रतिवेदनको ढाँचा उदाहरणको लागि मात्र यहाँ प्रस्तुत गरिएको हो अनुसन्धानको प्रकृतिअनुसार ढाँचा फरक हुन सक्छ)

सारांश

• सारांस एक वा दुइ अनुच्छेदमा उल्लेख गर्ने

१. अनुसन्धानको शीर्षक :

• व्यक्तिगत अनुभव, पूर्व अनुसन्धानको सुझाव, सहकर्मीसँगको छलफल, समस्याको प्रभाव तथा असर तथा सिकाइमा परेको प्रमुख समस्याका आधारमा छनोट गर्ने

२. परिचय । सन्दर्भ । पृष्ठभूमि

• विद्यमान अवस्थाको (विद्यालयको, कक्षाकोठाको, शिक्षण सिकाइ क्रियाकलापको, शैक्षिक उपलब्धि आदिको) चित्रण गर्ने
• अवस्थाले सिकाइ तथा गुणस्तरीय शिक्षाको सन्दर्भ जोड़ने
• अनुसन्धानको औचित्य, आवश्यकताको पुस्ट्याइ, आदि उल्लेख गर्ने

३. उद्देश्य र प्रश्न

• हुन्छ वा हुँदैन उत्तर आउने तय नगर्ने
• निर्देशित प्रश्न (Leadiig) तय नगर्ने
• खुला प्रश्न (स्वतन्त्र रूपमा उत्तर तथा विचार व्यक्त गर्न सकिने खालको प्रश्न तय गर्ने)
• अनुसन्धान योग्य प्रश्न तयार गर्ने
• यो खण्डमा आवश्यकतानुसार तय गरीएका प्रश्नहरू उल्लेख गर्ने
• समस्याको कथन, कारण आदि स्पस्टरूपमा उल्लेख गर्ने

४. सान्दर्भिक सामग्री ( Literature review) अध्ययन (पूर्व अनुभव, सिद्धान्त र सैद्धान्तिक

अवधारणा, अनुसन्धान प्रतिवेदन आदि)

• अनुसन्धान गर्न खोजिएको विषयका बारेमा पहिला केकस्ता अनुसन्धान भइसकेका

छन् पुनरावलोकन गर्ने अनुसन्धान गर्ने विषयकाबारेमा सैद्धान्तिक अवधारणाके छ उल्लेख गर्ने, सैद्धान्तिक

ढाँचा तय गर्ने

• अनुसन्धान गर्न पर्ने आवश्यकता पुस्ट्याइँ गर्ने र
• अनुसन्धानको विषयका सम्बन्धमा स्पस्ट सुझवुझ विकास गर्ने

५. अनुसन्धान विधि (तथ्याङ्क सङ्कलन विधि, सूचना सङ्कलनका साधनहरू)

• गुणस्तरीय वा सङ्ख्यात्मक के विधि तय छनोट गरेको हो उल्लेख गर्ने के के साधनहरू प्रयोग गरी सूचना सङ्कलन गर्ने हो सो स्पस्ट उल्लेख गर्ने,
• किन उक्त साधनहरूनै उपयोग गरिएको हो सो को पुस्ट्याइ गर्ने,
• सूचना सङ्कलनका लागि प्रयोग गरिएका साधनहरू अनुसूचीमा समावेश गरेको कुराको सुनिश्चित गर्ने,
• त्रिकोणीय विधिअनुसार विधि, प्रक्रिया, साधन तथा respondents छनोट गर्ने
• कार्यमूलक अनुसन्धानका चरण अनुसार गरेका सवै प्रक्रियाको सक्षिप्त रूपमा उल्लेख गर्ने

६.सूचनाको विश्लेषण तथा व्याख्या

• समस्या, उद्देश्य, तथा सिद्धान्त समेतका आधारमा सूचनाको विश्लेषण र व्याख्या गर्ने,
• कार्यमूलक अनुसन्धानका सवै चरणको अवस्था चित्रण गर्ने
• नयाँ ज्ञान तथा सिद्धान्त के प्रतिपादित भएको हो सो स्पस्टरूपमा उल्लेख गर्ने
• विश्लेषण गर्दा चित्रात्मक (तालिका, ग्राफ चार्ट, प्रतिशत आदि) समेत समावेश गर्नमा जोड दिने,

७.अध्ययनको प्राप्ति

• के प्राप्त भयो स्पष्ट रुपमा उल्लेख गर्ने
• के प्राप्त हुन सकेन उल्लेख गर्ने
• समस्या के कस्ता देखिए सो समावेश गर्ने

८. प्रतिविम्बन र सिकाइ

• पूर्व योजना अनुसारको उपलब्धि हुन सक्यो वा सकेन उल्लेख गर्ने
• के अनुभव रह्यो ? उल्लेख गर्ने
• आफुले तय गरेको सुधारात्मक रणनीति अनुसार भयो वा भएन वा कति प्राप्ति रह्यो ? उल्लेख गर्ने
• केकति समस्या हल भए र के के भएनन् ? कुन कुन चरणबाट के के समस्या हल भए, केके हल हुन सकेनन् सो समेत उल्लेख गर्ने ।
• पुन कार्यमूलक अनुसन्धान गर्न पर्ने हो वा होइन उल्लेख गर्ने
• अल्पकालीन, मध्यकालीन वा दीर्धकालीन योजना आवश्यक पर्ने वा नपर्ने आदि उल्लेख गर्ने
• उपलब्धि, प्रतिविम्बन र सिकाइलाइ सवै शिक्षक साथीहरूसँग छलफल गरेको कुराकोसमेत प्रतिवेदनले सुनिश्चित गर्नु पर्छ ।

९.पुनःयोजनाको अवस्था

• उपलब्धि, प्रतिविम्बन र सिकाइका आधारमा पुनर योजना तयार गरी पुन कार्यमूलक अनुसन्धान गर्ने

१०साभार तथा सन्दर्भ ग्रन्थ

• आफ्नो अनुसन्धानसंग सम्वन्धित पूर्व साहित्य,अनुसन्धान लगायत अन्य प्रतिवेदन वा कुनै सूचना साभार गर्दा अमेरिकन साइकोलोजिकल एसोसिएसशनको फर्मेट अनुसार उल्लेख गर्ने।