facebook :- Home
- Show Content
ऐच्छिक नेपाली नमुना प्रश्न चार
ऐच्छिक नेपाली नमुना प्रश्न चार
ऐच्छिक नेपाली नमुना प्रश्न चार २०७८
कक्षा : ११
पूर्णाङ्कः ७५
विषयः ऐच्छिक नेपाली (३३१)
समयः ३ घण्टा
परीक्षार्थीले सकेसम्म आफ्नै शब्दमा मौलिक उत्तर दिनुपर्ने छ । किनारामा दिइएका अङ्कले पूर्णाङ्कलाई जनाउँछ ।
समूह - क
१.तलका प्रश्नहरूको छोटो उत्तर दिनुहोस् : ३×५ =१५
क.तलको कथांश पढी सोधिएका प्रश्नहरूको उत्तर दिनुहोस् :
दिनदशा ,आपत् विपत् कसलाई पर्दैन ?बलको तुजुक थियो ,मलाई सधैँ यत्तिकै पुग्छ भनेर घमण्ड गर्थ्यो ,पमेश्वरले घमण्ड तोडे । बैगुनीलाई गुनले मार्नु भन्छन् ,एउतै गाउँमा बढेर यो उमेर भो ,दौँतरी हो,यस्तो आपत् मा पनि देखेको नदेख्यै गरे पाप लाग्दैन ?
प्रश्नहरू :
अ.धनजितेलाई के कुराको घमण्ड थियो ?
आ.यस अनुच्छेदको सार लेख्नुहोस् ।
ख. तलको कवितांश पढी सोधिएका प्रश्नहरूको उत्तर दिनुहोस् :
आकाश छुने टाकुरा हाम्रो भेटेर भेटिन्न
पौरखी हाम्रा पुर्खाको पाइला मेटेर मेटिन्न
प्रश्नहरू :
अ.हाम्रा टाकुराहरू कस्ता छन् ?
आ.पुर्खाका पाइला हामी किन मेट्न सक्दैनौँ ?
ग. तलको निबन्धांश पढी सोधिएका प्रश्नहरूको उत्तर दिनुहोस् :
रङ्ग रङ्गै हुनु,शाश्वत प्राकृत विज्ञानको प्रारूप । प्रकृति र विज्ञान,विज्ञान र प्रकृति आपसमा समन्वित छन् । विज्ञान प्रकृतिप्रदत्त ज्ञानका विश्लेषणबाट उपलब्ध बन्ने,बनाइएका ऋतुरङ्ग हुन् । रङ्गीन ऋतु हुन् ।
प्रश्नहरू :
अ.प्रस्तुत निबन्धांशमा ऋतुहरूको कस्तो वर्णन पाइन्छ ?
आ.विज्ञान र प्रकृतिबीच कस्तो सम्बन्ध छ ?
समूह - ख
तलका प्रश्नहरूको सङ्क्षिप्त उत्तर दिनुहोस् : ४×५ =२०
१.कथाको छोटो परिचय दिई कुनै तीन परिभाषासमेत उल्लेख गर्नुहोस् ।
अथवा
निबन्धकार तारानाथ शर्माका निबन्धगत प्रवृतिहरू उल्लेख गर्नुहोस् ।
२.'उफ् !यो कस्तो अग्निपरीक्षा लिँदै थिए भगवानले मेरो ' यस कथांशमा के कस्तो व्यङ्ग्यार्थ पाइन्छ ?स्पष्ट पार्नुहोस् ।
३.शब्दशक्तिको परिचय दिई अभिधा शब्दशक्तिलाई उदाहरणसहित चिनाउनुहोस् ।
अथवा
करुण रसको सोदाहरण परिचय दिनुहोस् ।
४.सन्त्रासदेखि पर कथामा जीवनलाई हेर्ने कस्तो दृष्टिकोण पाइन्छ ?
समूह - ग
तलका कुनै दुई उद्धरणहरूको सप्रसङ्ग व्याख्या गर्नुहोस् : २×५ =१०
अ.बुझें बुझें ,म त्यति पनि बुझ्दिनँ ? तिमी त बडा अनौठा मानिस रहेछौ । यस्तो जाबो कुरामा ........
आ.छोडि विध्वंश सामग्री बोकेर शान्तिको ध्वजा
स्वच्छ विज्ञान चम्केको कहिले देख्न पाउँला ?
इ.मैले तँलाई कुवा बेचेको हो ,पानी होइन ।
समूह - घ
तलका कुनै दुई प्रश्नहरूको विवेचनात्मक उत्तर दिनुहोस् : प्रश्न न. क अनिवार्य छ । २×१० =२०
क.घामका पाइला उपन्यासमा तपाईलाई सबैभन्दा मन परेको पात्र कुन हो ?उसका सबल र दुर्वल पक्षहरुको चर्चा गर्नुहोस् ।
ख.फुटपाथ मिनिस्टर्स कथामा सडक बालबालिकाको कस्तो अवस्थाको विवेचना गरिएको छ ?स्पष्ट पार्नुहोस् ।
ग.आकाङ्क्षा कवितामा कविले आफ्नो लक्ष्यसम्म पुग्न कस्तो सङ्कल्प गर्नुपर्ने धारणा राखेका छन् ?विवेचना गर्नुहोस् ।
समूह - ङ
तलका प्रश्नहरूको उत्तर दिनुहोस् : २×५ =१०
क.गङ्गारामको न्याय एकाङ्कीलाई किन सामाजिक यथार्थवादी एकाङ्की भनिन्छ ?स्पष्ट पार्नुहोस् ।
ख.लछमनियाको गौना कथाकी नारी चरित्र लछमनियाको चरित्र चित्रण गर्नुहोस् ।
सफलताको शुभकामना !!
Only rated.
Leave a review