ऐच्छिक नेपाली नमुना प्रश्न पाँच

• ऐ. नेपाली
• 4 Years, 3 Months ago
• 466

ऐच्छिक नेपाली नमुना प्रश्न पाँच

ऐच्छिक नेपाली नमुना प्रश्न पाँच  २०७८

 

कक्षा :  ११                                                            

पूर्णाङ्कः ७५                                                 

विषयः ऐच्छिक नेपाली (३३१)                                          

समयः ३ घण्टा

 

परीक्षार्थीले सकेसम्म आफ्नै शब्दमा मौलिक उत्तर दिनुपर्ने छ । किनारामा दिइएका अङ्कले पूर्णाङ्कलाई जनाउँछ ।

 

समूह - क

 १.तलका प्रश्नहरूको छोटो उत्तर दिनुहोस् :         ३×५ =१५

 

क.तलको कथांश पढी सोधिएका प्रश्नहरूको उत्तर दिनुहोस् :

 

माफ गर मेरो छोरा । तिमीप्रति अपार ममता हुँदाहुँदै पनि नियतीको क्रुर चक्रमा परेर म तिम्रो अपराधी हुन् पुगेकी हुँ ।म कसरी तिमीलाई मेरो हृदयमा भएको तिम्रो माया देखाऊँ ।म के गरेर तिम्रो विश्वास जितूं । तिमीलाई पुरानै अवस्थामा फर्काऊँ ।

प्रश्नहरू :

अ.अनुच्छेदमा  म पात्रको कस्तो मनोदशाको चित्रण पाइन्छ ?

आ.कथाकारले कोसँग कस्तो आत्मग्लानी गरेकी छन् ?

 

ख.तलको  कवितांश पढी सोधिएका प्रश्नहरूको उत्तर दिनुहोस् :

ए मान्छे !

च्यातिएका वाक्यका टुक्राहरूमा

पटक पटकमा बेग्लाबेग्लै अर्थ नलाऊ

मैले आफ्नै कहानी बिर्सिसकेकी छु ।

 

प्रश्नहरू :

अ. कविले आफ्नै कहानी किन बिर्सिएकी हुन् ?

 

आ.कवितामा मानव जीवनको कस्तो प्रतीकात्मक अर्थ पाइन्छ ?

 

ग.तलको   निबन्धांश  पढी सोधिएका प्रश्नहरूको उत्तर दिनुहोस् :

ऋतु र रङ्गहरू मसित रङ्गीन बन्न पुग्छन्  ।   मसित रङ्गीन बन्दा ममा ऋतु रङ्गहरू तरङ्गित भइदिन्छन् ।  यी दुवै आपसमा तरङ्गित भइदिँदा एउटा नयाँ र नौलो रङ्गका तरङ्ग रोमान्चित हुन थाल्छन् ।  आखिर रोमाञ्च भन्नु ऋतुहरूको रङ्गीन  गर्भका रङ्गगर्भ भनूँ या गर्भेणी रङ्ग न हुन् ?

प्रश्नहरू :

अ. ऋतु रङ्गहरू तरङ्गित भइदिँदा के हुन्छ ?

 

आ.यस अनुच्छेदको मूल आशय के हो ?

 

     

समूह - ख

तलका प्रश्नहरूको सङ्क्षिप्त उत्तर दिनुहोस् :         ४×५ =२०

क.कथाका तत्त्वहरूको छोटो वर्णन लेख्नुहोस् ।

अथवा

कथाकार गुरुप्रसाद मैनालीका कथागत प्रवृतिहरू लेख्नुहोस् ।

 

ख.सरला चापागाईंद्वारा लिखित नारी निबन्धको मूलभाव स्पष्ट पार्नुहोस् ।

 

ग.साहित्यमा रसको भूमिका उल्लेख गर्दै नवरसको सूची निर्माण गर्नुहोस् ।

अथवा

शब्दशक्तिका प्रकारहरूको सङ्क्षेपमा चर्चा गर्नुहोस् ।

 

घ.'दोषी चस्मा 'कथामा केशवराजको कस्तो मनोविज्ञान प्रकट भएको छ ।

 

 

समूह - ग

तलका  कुनै दुई उद्धरणहरूको सप्रसङ्ग व्याख्या गर्नुहोस् :         २×५ =१०

क.छिमेकी भनेका जिउँदाका जन्ती र मर्दाका मलामी हुन् ।

 

ख.बैँसको तालमा नाचौला कहाँ मादलै नरहे

नेपाली हामी रहौंला कहाँ नेपालै नरहे

 

ग.बाबा,आज म हाम्रो पितृभूमि छोएर आउँछु,नरोइकन खेलिरहनु है ।

 

 

    समूह - घ

तलका  कुनै दुई प्रश्नहरूको विवेचनात्मक उत्तर दिनुहोस् : प्रश्न न. क अनिवार्य छ ।  २×१० =२०

क.प्रगतीवादी उपन्यासकारका रूपमा धनुषचन्द्र गोतामेलाई चिनाउँदै 'घामका पाइला'उपन्यासलाई युगसापेक्ष परिवर्तनको अभिलाषा बोकेको आंचलिक उपन्यास भनिन्छ,किन ?स्पष्ट पार्नुहोस् ।

 

ख.लछमनियाको गौना कथामा नारी यौनमनोविश्लेषणको कस्तो वास्तविकता समेटिएको छ ? चर्चा गर्नुहोस् ।

 

ग.मोदनाथ प्रश्रितका कवितागत विशेषताहरू उल्लेख गर्दै 'कहिले देख्न पाउँला 'कविताको मूलभाव प्रष्ट पार्नुहोस् ।

 

 

   समूह - ङ

तलका   प्रश्नहरूको सङ्क्षिप्त  उत्तर दिनुहोस् :         २×५ =१०

क.गङ्गारामको न्याय एकाङ्कीले समेटेको कथानक तथा उद्देश्य पक्ष केलाउनुहोस् ।

 

ख.फुटपाथ मिनिस्टर्स कथाकी बालपात्र टिकीको चरित्र चित्रण गर्नुहोस् ।

 

 

सफलताको शुभकामना