सामाजिक पाठयोजना तीन

• सामाजिक अध्ययन
• 4 Years, 2 Months ago
• 649

सामाजिक पाठयोजना तीन

सामाजिक अध्ययन शिक्षण पाठयोजना -३

१. विशिष्ट/ व्यवहारिक उद्देश्य:

यस पाठको अन्तमा विद्यार्थीहरू निम्न कार्य गर्न सक्षम हुनेछन् ।

i) अधिकारको परिभाषा दिन ।

ii) अधिकारको प्रयोग गर्दा अपनाउनुपर्ने विधिहरूको सूचि तयार गर्न ।

iii. कानूनी अधिकार र मौलिक अधिकारको सूची तयार गर्न ।

२. शैक्षिक सामग्री:

- दैनिक प्रयोगका सामग्री,

- अधिकारको प्रयोग गर्दा अपनाउनुपर्ने विधिहरू

- कानूनी र मौलिक अधिकारको सूचि ।

३. शिक्षण सिकाई क्रियाकलाप :

i) अधिकार भनेको के होला? अधिकार कहाँबाट प्राप्त हुन्छ ? जस्ता प्रश्नमार्फत अधिकार शीर्षकमा छलफल गरी अधिकारको परिभाषा बताइदिने । जस्तैः अर्कोलाई कुनै पीर, मर्का, वाधा नपारिकन आफ्नो हकको उपयोग गर्ने तरिकालाई अधिकार भनिन्छ ।

ii) अधिकारको अर्थ तथा परिभाषा बताईसकेपछि अधिकारको प्रयोग गर्ने विधिहरूको जानकारी गराउने । यसको लागि निर्मित सूचिलाई कक्षामा प्रदर्शन गर्ने । यसको साथमा छलफल समेत गर्ने ।

iii. यसप्रकार बालबालिकाहरूलाई अधिकारको प्रयोग गर्ने विधिहरूको जानकारी गराईसकेपछि त्यस्ता अधिकार कति प्रकारका हुन्छन् ? तिमीहरूलाई थाहा छ ? भन्ने प्रश्नहरू गर्दै छलफल गर्दै यसका किसिमहरू बताउँदै त्यसलाई सूचीमार्फत प्रष्ट पारिदिने ।

४. मूल्यांकनः

मूल्यांकनका लागि निम्न अनुसारका मौखिक प्रश्नहरू सोधिने छ :-

i) अधिकार भनेको के हो ?

ii) अधिकारको प्रयोग गर्ने दुईवटा विधिहरू भन ।

iii. कुनै २ वटा मौलिक अधिकारको नाम भन ।

५. गृहकार्य:

अधिकारको परिभाषा बताई यसको उपयोग गर्ने तरिकाहरूको सूचि तयार गर्नुहोस् ।