Home
Show Content

लकडाउनमा बालबालिकालाई प्रधानाध्यापकहरुको सुझाव

Search

Main Categories

News & Notice
5 Years, 7 Months ago
237

लकडाउनमा बालबालिकालाई प्रधानाध्यापकहरुको सुझाव

कोभिड १९ को कारण लकडाउनले महिना दिनको अबधि पूरा गरिसकेको छ । नयाँ शैक्षिक शत्रको समय शुरु भएपनि विद्यालय र स्थानीय तहहरु नतिजा प्रकाशन गर्न सकिरहेका छैनन् । केही विद्यालयहरुले अनलाईन र फेसबुक मार्फत नतिजा प्रकाशन शुरु गरेका पनि छन् । लकडाउनका कारण सार्वजनिक रुपमा विद्यालयहरुले आफूले पठन पाठन गर्ने पाठ्यपुस्तकको सूची अभिभावकलाई जानकारी हुनेगरी सार्वजनिक गरेका छैनन् भने स्थानीय तहलाई पनि बुझाएका छैनन् ।

एसएईईका विद्यार्थीका लागि लक्षित गरि भने कतै स्थानीयत तह नै अग्रसर भएर त कतै विद्यालयहरुले विकल्प प्रयोग गरी तयारी कक्षाहरु संचालन गरिरहेका छन् । यो परीक्षा पनि कहिले हुने र कसरी हुने ? निश्चित भएको छैन् ।

नयाँ शैक्षिक शत्रको संचालनका लागि संघीय सरकारले मुख खोलिसकेको छैन् । उसले आफुहरु विज्ञको सल्लाह लिइरहेको, अध्ययन समुहको प्रतिवेदन अध्ययन गरिरहेको र लकडाउनको मोडेलको निश्चित भएपछि विद्यालय संचालनको खाका ल्याउने भनिरहेको छ ।

तर प्रदेश ५ सकारले स्थानीय तहसँगको समयन्वयमा कक्षा ९ सम्मको नतिजा क्रमशः प्रकाशन गर्ने, उपयुक्त माध्यमबाट विद्यार्थी भर्ना लिने र पाठ्यपुस्तक बालबालिकाको हातमा पुर्याउन भन्दै सूचनामूलक निर्देशन गरेको छ ।

यसका बीच हामीले यस क्षेत्रका केही प्रधानाध्यापकहरुलाई दुई जिज्ञासा राखेका थियौं । पहिलो जिज्ञासा लकडाउनको समय कसरी बिताउनु भएको छ ? र दोस्रो जिज्ञासा लकडाउनको समयमा बालबालिकाहरुलाई के सल्लाह दिनुहुन्छ ?

प्रस्तुत छ, प्रधानाध्यापकहरुको भनाईः

0000

घनश्याम पाठक
प्रधानाध्यापक, कालिका मानवज्ञान मावि

मेरो धेरैजसो समय घरमै बितेको छ । किताबहरु पढिरहेको छु । पढनका लागि मुख्यगरी शिक्षा र दर्शनका किताब छानेको छु । अबको नयाँ शैक्षिक शत्र के कसरी संचालन गर्न सकिएला भन्ने चिन्ताले छोएको छ । त्यस बिषयमा पनि अध्ययन र सरसल्लाह गरिरहेको छु । भेटघाट भन्दा पनि फोन र भर्चुअल माध्यमबाट बैठकहरु गरिरहेको छु ।